कातरवेळी..

कातरवेळी जेव्हा तुझ्या आठवणी मनी दाटू लागतात,

माझ्याच सावल्या मग मला छेडू लागतात..

रातराणीचा गंध मनोहर,

तुझाच आभास दरवळावा जसा..

वारा शीळ घाली अशी,

तुझाच आवाज कानी पडावा..

तुळशीपाशी ज्योत फर-फरे,

माझ्या मनीची तग-मग होई..

तुला पाहण्या काळीज माझे सैर-भैर धाव घेई..

विरहात तुझ्या असह्य वेदना,

सरी होऊन डोळ्यातून कोसळू लागतात..

कातरवेळी..

तुझ्या आठवणी..

मनी दाटू लागतात..

माझ्याच सावल्या मग मला छेडू लागतात..