हे बरय तुझ..

हे बरय तुझ...

मी रोज रात्री तुझ्यासाठी जागायचं,

अन 'सकाळी लवकर उठायचय' म्हणून तू खुशाल लवकर झोपायचं???

हे बरय तुझ...

तुला कधी दुखलं कि मी चिंतेने मर-मर मरायचं...

अन 'उगाच चिंता करते तू' म्हणत तू मलाच हिणवायचं???

हे बरय तुझ...

तुला काय आवडत ते मी नेहमी लक्षात ठेवायचं...

अन मला काय हवंय ते तू चुकून पण नाही विचारायचं???

हे बरय तुझ...

तुझी वाट पाहत मी तासन तास बसायचं...

अन 'वेळ नाही मला' म्हणत तू स्वप्नात पण नाही यायचं??? 

वास्तव

हसऱ्या चेहऱ्या मागच दुःख खूप विद्रूप असत...

यशामागच अपयश खूप दारून असत...

अगदी झगमगत्या दिव्याखालच्या अंधाराइतक हे गहिरं असत..